Паважаныя працаўнікі аграпрамысловага комплексу!
Сардэчна віншуем вас з прафесіянальным святам — Днём работнікаў сельскай гаспадаркі і перапрацоўчай прамысловасці!
Сельская праца неабходна ўсім і кожнаму, яна — аснова эканомікі раёна. Не кожны чалавек здольны працаваць у вёсцы. Гэта работа спецыфічная і патрабуе асаблівых да яе адносін. Прыродная мудрасць працаўнікоў вёскі, любоў да роднай зямлі, працавітасць, стойкасць і цярплівасць заслугоўваюць павагі і дастойны прызнання.
У гэты святочны дзень мы выказваем удзячнасць работнікам сельскай нівы, перапрацоўчых і абслугоўваючых арганізацый, фермерам, спецыялістам, кіраўнікам, ветэранам сельскагаспадарчай вытворчасці і моладзі, работнікам сацыяльнай і культурнай сферы на вёсцы за прафесіянальнае майстэрства і добрасумленныя адносіны да даручанай справы.
Ад усёй душы жадаем усім працаўнікам аграпрамысловага комплексу моцнага здароўя, поспехаў у вырашэнні пастаўленых задач, значных дасягненняў у працоўнай дзейнасці, стабільнасці і ўпэўненасці ў заўтрашнім дні, дабрабыту і дабра, аптымізму і ўдачы ў новых здзяйсненнях!
Раённы выканаўчы камітэт.
Раённы Савет дэпутатаў.
0 коммент.:
Дописати коментар